അക്ഷരച്ഛായ

ആത്മച്ഛായ നോവല്‍ പ്രകാശനം 
മാതൃഭൂമി ബുക്‌സ് പ്രസിദ്ധീകരിച്ച സുസ്‌മേഷ് ചന്ത്രോത്തിന്റെ നോവല്‍ ‘ആത്മച്ഛായ’ കൊല്‍ക്കത്തയില്‍ പ്രകാശനം ചെയ്തു. 2015 നവംബര്‍ 27 ന് ഹിന്ദുസ്ഥാന്‍ പാര്‍ക്ക് സൗത്ത് ഇന്ത്യ ക്ലബ് ഹാളിലായിരുന്നു പ്രകാശനം. സി. പി. എം നേതാവും മുന്‍ സാംസ്‌കാരിക വകുപ്പ് മന്ത്രിയുമായിരുന്ന എം എ ബേബി, പാര്‍ലമെന്റംഗം എം. ബി രാജേഷിന് നല്‍കിയാണ് ആത്മച്ഛായ പ്രകാശനം നിര്‍വ്വഹിച്ചത്. ചടങ്ങില്‍ ഇപ്പോഴത്തെ നിയമസഭാ സ്പീക്കര്‍ പി. ശ്രീരാമകൃഷ്ണന്‍, ടി. കെ ഹംസ, പി നന്ദകുമാര്‍, പി പി വാസുദേവന്‍, പി. വേണുഗോപാലന്‍, ടി. കെ ഗോപാലന്‍ തുടങ്ങിയവരും പങ്കെടുത്ത് സംസാരിച്ചു.
തുടര്‍ന്ന് അരങ്ങേറിയ സംഗീതസായാഹ്നം, ബേബി കുര്യന്‍, ജോസഫ് മണിമല, ശ്രീനാഥ് നായര്‍, അശ്വതി സഞ്ജു, സമീല്‍ സിക്കാനി, ഷിബുദാസ് എന്നിവര്‍ നയിച്ചു. കൊല്‍ക്കത്തയിലെ ഒട്ടേറെ മലയാളികള്‍ പങ്കെടുത്ത സമ്പന്നമായ സദസ്സായിരുന്നു അക്ഷരച്ഛായ എന്നു പേരിട്ട പുസ്തകപ്രകാശനച്ചടങ്ങിന് സാക്ഷ്യം വഹിക്കാനെത്തിയത്.

“എല്ലാ ശബ്ദവുമകന്നു. പ്രപഞ്ചവും, ജീവജാലങ്ങളും പിന്നെ മ്യണാളനും മാത്രമായി. എന്തു കൊണ്ടോ ഭാരതച്ചിറയോടൊരു ആത്മബന്ധം അയാള്‍ക്കനുഭവപ്പെട്ടിരുന്നു. ജലത്തിന്റേയും മഴയുടേയും അനുഭവം എവിടെനിന്നു ലഭിച്ചാലും മ്യണാളന്‍ തന്നെത്തന്നെ മറക്കും. രാവിന്റെ അനുഗ്രഹത്തില്‍ ചിറ ശാന്തമായി കിടക്കുന്നു. ഇനിയെന്നാണ് ഇവിടേക്ക്…….. “

(ആത്മച്ഛായ)

സുസ്മേഷ് ചന്ത്രോത്ത്

1977 ഏപ്രില്‍ ഒന്നിന്‍ ജനനം. കേന്ദ്ര സാഹിത്യ അക്കാദമിയുടെ പ്രഥമ യുവ പുരസ്കാറ് ഉള്‍പ്പടെ നിരവധി പുരസ്കാരങ്ങള്‍. ഗീതാഹിരണ്യന്‍ എന്‍ഡോവ്മെന്റ്, ദി.സി.ബുക്സ് നോവല്‍ കാറ്ണിവല്‍ അവാറ്ഡ്-2004, ചെറുകാട് അവാര്‍ഡ്, ഇടശ്ശേരി അവാറ്ഡ്, സി.വി.ശ്രീരാമന്‍ സ്മ്യതി പുരസ്കാരം, മുണ്ടൂറ് ക്യഷ്ണന്‍കുട്ടി കഥാപുരസ്കാരം, അബുദാബി ശക്തി അവാര്‍ഡ്, കെ.എ.കൊടുങ്ങല്ലൂറ് കഥാപുരസ്കാരം, നൂറനാട് ഹനീഫ നോവല്‍ പുരസ്കാരം തുടങ്ങി നിരവധി  പുരസ്കാരങ്ങള്‍ ഇദ്ദേഹത്തെ തേടിയെത്തിയിട്ടുണ്ട്.

കഥകള്‍ക്ക് പരിഭാഷകളും, പാഠപുസ്തകപ്പതിപ്പുകളും ഉണ്ടായിട്ടുണ്ട്. ഇപ്പോള്‍ കൊല്‍ക്കത്തയില്‍ താമസം.